Siglir tar il cuntegn

Header

cuntegn

Svizra En Germania mora in um tar explosiun d'in automat

A Halle en Germania è in um da 19 onns mort tar l'explosiun d'in automat da bigliets sin ina staziun. L'explosiun saja stada uschè ferma che la porta da l'automat saja sa tschentada sin l'autra vart dal perrun, ha communitgà la polizia.

In locomotivist ha vis l'um giuven senza vita dasper l'automat da bigliets destruì. El ha clamà agid. Il servetsch da salvament ha purtà il grev blessà en in ospital. Là è l'um curt suenter mort, ha la polizia infurmà.

La polizia va uss da quai ora ch'il giuven, ensemen cun auters, è sez stà involvì en l'explosiun da l'automat. La notg han els arrestà dus giuvens da 15 e 20 onns.

RR novitads 12:00+

Artitgels legids il pli savens