En guauds svizzers vegnan duvrads insecticids da tissi. Tenor l’Uniun «Medis svizzers per la protecziun da l’ambient» èn var 700 kilos da quests tissis vegnids squittads l’onn passà sin plantas derschidas. Quai per proteger ils truncs dal baus scorsa.
Duas da las substanzas duvradas sajan toxicas per l’uman, scriva l’uniun. Sche las plantas vegnissan transportadas subit or dal guaud, na fiss il tissi betg necessari.
L’Uffizi federal da l’ambient da sia vart di, ch’ils possessurs da guaud svizzers cultiveschian lur guauds a moda durabla e fitg ecologica.
RR novitads 14:00