Siglir tar il cuntegn

Header

Discurs da cussegliaziun da finanzas, maisa cun mauns da duas dunnas e cedels.
Legenda: Ils Bernais han ditg NA al project da votaziun che vuleva scursanir l'agid social. Keystone
cuntegn

Svizra En il chantun Berna na vegn l'agid social betg scursanì

L'agid social na vegn betg scursanì en il chantun Berna. Cun passa 52% da las vuschs han ils votants e las votantas refusà in midament da la lescha correspundenta. Cun la lescha revidida avess il basegn fundamental pudì vegnir scursanì per 8 fin 30% sut las directivas da la Conferenza svizra da l'agid social. Il NA a la scursanida da l'agid social è ina surpraisa en il chantun che vegn dominà dals burgais.

Agid social na vegn er betg schlargià

Ils Bernais han dentant er refusà cun 56% ina proposta da la sanestra e da federaziuns professiunalas che vuleva schlargiar l'agid social. Tenor quella avessan persunas sur 55 onns che n'han betg pli il dretg sin prestaziuns da la cassa da dischoccupaziun survegnì il dretg sin prestaziuns supplementaras.

RR novitads 16:00