Siglir tar il cuntegn
Inhalt

Svizra En il Vad moran tar incendis 23 chavals

La notg sin sonda èn 23 chavals morts tar ina seria dad incendis en la vischnanca dad Avenches en il chantun Vad.

I sa tractia da 23 chavals da l’allevament naziunal. Persunas na sajan betg vegnidas blessadas. Quai communitgescha la Polizia chantunala.

Cumenzament dals fieus

L'emprim incendì è rut ora a las 12:30 sin dus terrens a St. Aubin e Domdidier en il chantun Friburg. Ils pumpiers che han stizzà il fieu han silsuenter era remartgà il fieu tar l'allevament naziunal. Il fieu ha destruì là ina stalla da chavals ed in clavà. En la stalla sa chattavan var 30 animals. Var la mesadad dals chavals e ponis èn morts en las flommas. Era en ina abitaziun hai cumenzà da brischar, ils abitants han dentant pudì salvar a temp.

Damai ch’i haja dà ina seria dad incendis en il conturn, suppona la polizia ch’i sa tractia da incendis intenziunads. Ella investighescha en chaussa.

RR novitads 14:00