Ils animals furmian sco ch'i para ina «cuminanza sociala», vivian, sa nutreschian e sa movian communablamain. Ils guardiaselvaschina n'hajan dentant constatà nagins lufs giuvens. I sa tractia probablamain d'in triep vegl en nova constellaziun, ha ditg il biolog da selvaschina Sascha Wellig.
Tschintg lufs novs
Dapi l'entschatta dal 2018 èn tschintg lufs novs vegnids vitiers, dus mastgels e trais femellas (M89 en il Goms, F41 en la Val d'Entremont e M88, F40 e F43 en il Chablais). Sch'ils animals sajan immigrads u sch'i sa tractia da giuvens lufs d'auters trieps en Svizra na saja anc betg da dir cun segirtad.
Postulat privlus per il luf
Entant augmenta la politica vallesana la pressiun sin il luf. Il cussegl grond ha approvà in postulat che vul laschar sa participar tut ils chatschaders ad ina chatscha lubida sin in luf. L'idea: Cun dapli chatschaders augmentar la schanza da pudair sajettar lufs lubids.
RR novitads 17:00