Siglir tar il cuntegn

Svizra En l’Argovia fa il pachet da spargn naufragi

Il chantun Argovia ha renvià il pachet da spargn ch'avess purtà respargns da 17 milliuns francs, quai cun 55,9% da las vuschs.

Placat dals adversaris mussa la vopna da l’Argovia ed ina rucla che destruescha quella.
Legenda: Ils adversaris han gì success cun lur cuntracampagna. Keystone

Quest resultat è ina terrada per la regenza e las partidas burgaisas ch'avevan sustegnì il pachet da spargn.

La Partida socialdemocratica ed ils Verds èn stads cunter il pachet da spargn «analisa da la prestaziun».

Argovians dastgan vinavant far fieus artifizials

Vulcans per envidar e far fieu artifizial
Legenda: Persunas privatas dastgan vinavant envidar vulcans e rachetas. Keystone

Er naufragi ha fatg l’iniziativa che ha vulì scumandar fieus artifizials per persunas privatas. 102’294 votantas e votants han ditg na, quai èn 64,5%. La regenza sco era il parlament avevan declerà l’iniziativa «per proteger carstgauns, animals ed ambient» sco exagerada.

RR novitads 15:00