Ils ultims onns hai adina puspè dà cas, che politichers e politricheras da la sanestra èn vegnids chattads en las bancas da datas dal servetsch che cumbatta il terrorissem, l'extremissem e la spiunascha en Svizra. La lescha scumonda dentant cleramain da ramassar infurmaziuns davart la lavur politica da persunas. Excepziuns datti be en il cas d'indizis da terrorissem u spiunascha.
En ses rapport vegn la delegaziun da gestiun uss a la conclusiun ch'il servetsch rimna anc adina infurmaziuns betg lubidas – tranter auter er millis d'artitgels da gasettas e paginas dad internet. La delegaziun cusseglia perquai da stizzar talas datas e dad adattar las directivas internas, uschia che be quai vegnia ramassà en futur ch'è er lubì.
Per tadlar curt e cumpact:
RTR novitads 12:00