Svizra - En la truscha dal «Sechseläuten» èn er tamburs grischuns

1 / 12

Legenda: Er tamburs sursilvans èn en acziun. RTR, Fabia Caduff

2 / 12

Legenda: Ils trais tamburs lumnezians che sa participeschan al cortegi dal Sechseläuten. RTR, Fabia Caduff

3 / 12

Legenda: Mario Camartin, il tambur da Breil, è sur onns sa participà al cortegi. RTR, Fabia Caduff

4 / 12

Legenda: Il 1993 cura che Basilea-Citad era stà la davosa ga chantun ospitant avevi da in incap. Il Böögg era crudà giu da ses podest. Keystone

5 / 12

Legenda: In marsch che na dastga betg mancar a l'usit: Zürcher Sechseläutenmarsch. Keystone

6 / 12

Legenda: Sco i para n'ha la durada da l'arder dal Böögg nagina grond'influenza sin l'aura da stad. RTR grafica

7 / 12

Legenda: Il cortegi dal Sächsilüüte va er quest onn la ruta tradiziunala. mad

8 / 12

Legenda: Ed er dultscharias na pon betg mancar. RTR, Fabia Caduff

9 / 12

Legenda: Ils tamburs dattan en il tact. RTR, Fabia Caduff

10 / 12

Legenda: Ils chavals en ina lingia sur ils binaris. RTR, Fabia Caduff

11 / 12

Legenda: Tscherts van a pe, auters prendan cumadaivel. RTR, Fabia Caduff

12 / 12

Legenda: Uman ed animal fan part al cortegi. RTR, Fabia Caduff

En la truscha dal Sechseläuten a Turitg sa chattan er intgins Grischuns. Uschia per exempel Mario Camartin da Breil. El ha sunà 25 onns il tambur en duas mastergnanzas da Turitg. Er oz è Mario Camartin da la partida al Sechseläuten dentant sco aspectatur e betg pli sco tambur. Entras viver ed esser en ina musica turitgaisa è el vegnì tar las mastergnanzas. Er pli tard cura ch'el abitava puspè a Breil è el sa participà sco tambur.

Entras el pon trais ulteriurs Sursilvans sa participar sco tamburs al Sechseläuten. Ursin Derungs è in dad els ch'è en la «Zunft zu den Drei Königen». Era sch'il Lumnezian è in tambur rutinà saja quai pretensius da dar sin il schumber var duas uras. Tuttina giauda el fitg il gi da Sechseläuten. Quai saja in di da rumper ora in zic e d'ina giada far festa giu Turitg.

Basilea-Citad sco giast - quest onn cun dapli fortuna?

En intginas uras dentant vai liber cun la festa dal «Sächsilüüte». Quest onn è il chantun Basilea-Citad il chantun ospitant. Gia il 1993 era Basilea-Citad chantun da giast. Lura avevi dà in incap. Il Böögg era crudà giu dal podest avant ch'el era explodì. RTR rapporta live da la festa.

RR actualitad 07:00