Partidas da la sanestra e dals sindicats han fundà a Berna in'allianza cunter la nova lescha federala. Il uschenumnà project da taglia 17 prevesa da colliar la refurma da taglia cun la sanaziun da la cassa da AVS.
En ina communicaziun scriva l'allianza che la populaziun haja refusà la revisiun da la taglia per interpresas 3 e che la proposta actuala saja la sora schumellina da quella. Quai citescha l'agentura da novitads SDA.
La cumpart da la sanaziun da l’AVS beneventa l'allianza. La proposta actuala serria bain dad ina vart foras fiscalas ma ella avri il medem mument autras. Da l'allianza fan part ils sindicats Unia e il sindicat svizzer dals servetschs publics VPOD, la partida verda, solidarité S e la Juso.
RR novitads 15:00
