La quota actuala è bassa: Sin in milliun abitants èn bun 17 persunas ch'èn mortas, prontas da dar lur organs. En Frantscha, en il Portugal ed en l'Italia è questa quota dapertut sur 20%, en Spagna schizunt sur 35%.
La finamira dal plan d'acziun era d'auzar la quota en Svizra da 12 persunas l'onn 2013 sin 20 persunas il 2018. Quella finamira vegnia probabel betg cuntanschida. La raschun che la quota en Svizra è uschè bassa è tenor l'Uffizi federal per sanadad che blers parents sajan anc adina encunter ina transplantaziun d'organs.
Paucas donaziuns malgrà megliers process e structuras
Ils process, las structuras ed er la finanziaziun sajan però vegnidas meglieradas ils ultims onns. Perquai duain uss vegnir eruidas las raschuns pertge che uschè blers èn cunter ina donaziun. Sin la primavaira 2018 duain ils resultats esser enconuschents.
Per la Confederaziun e per ils chantuns saja fitg impurtant d'auzar la quota da donaturs. Persunas che spetgan sin in organ duain numnadamain avair ina schanza da survegnir in tal ad uras.
RR novitads 11:00