Svizra - En Svizra hai dà damain sentenzias cunter giuvenils il 2014
L'onn passà hai dà totalmain 12'800 sentenzias cunter persunas giuvnas. Quai è ina reducziun da 4% cumpareglià cun l'onn avant, communitgescha l'Uffizi federal da statistica.
Las sentenzias da delicts cunter il cudesch penal èn sa reducidas tar ils giuvens per 6%. Percunter èn s'augmentadas marcantamain, numnadamain per 21%, las sentenzias pervi da commerzi cun meds narcotics.
Tar las sentenzias cunter persunas creschidas na datti nagina midada. Questa cifra da sentenzias stagnescha sin in nivel aut da 110'000.
