Dal 1950 fin il 2010 è il dumber da persunas che han passa 100 onns sa dublegià mintga 10 onns. Dapi il 2012 è la cifra stabila, quai mussa la statistica da l'Uffizi federal per statistica da l'onn 2018. La pli veglia persuna ha gì il 2010 110 onns.
Grondas differenzas chantunalas
Per 100'000 abitantas ed abitants datti pia en media en Svizra 18 persunas da 100 onns u dapli. Las differenzas chantunalas èn dentant fitg grondas. Las pli bleras persunas sur 100 datti en il chantun Basilea-Citad, Giura e Tessin. Qua èn quai 38, 35 e 33 per 100'000 abitantas ed abitants. Il pli bass è la quota en ils chantuns Argovia e Sursilvania cun 10 respectiv 3 persunas sur 100 onns.
En Grischun èn quai 13 persunas sur 100 onns sin 100'000 abitantas ed abitants.
En la media internaziunala
En la cumparegliaziun internaziunala è la cumpart da persunas sur 100 onns en Svizra en la media. Valurs sumegliantas datti en Germania, l'Ungaria ed il Danemarc. Ils pli blers sur 100 onns ha gì l'entschatta dal 2019 l'Albania (845 sin 100'000 abitants), suandà da la Tirchia (213 sin 100'000) e la Grazia (87 sin 100'000).
