Siglir tar il cuntegn
cuntegn

Svizra En Svizra sa derasa la grippa

Dapi l'entschatta da l'onn datti adina dapli cas da grippa – la valur d'epidemia n'è però anc betg cuntanschida. Quai communitgescha l'uffizi federal da sanadad.

Dunna cun in termometer da fevra.
Legenda: Chantuns Grischun e Tessin èn pertutgads il pli ferm e quai tar las gruppas da vegliadetgna tranter 30 e 64 onns. Keystone

D'ina epidemia da grippa vegn discurrì tar 68 cas per 100'000 consultaziuns. Actualmain è il dumber tar 66. L'onn avant aveva l'unda da grippa en Svizra gia cuntanschì il december la valur d'epidemia.

Pli ferm pertutgà Grischun e Tessin

Il pli fitg èn pertutgads ils chantuns Grischun e Tessin e quai tar las gruppas da vegliadetgna tranter 30 e 64 onns.

En ils chantuns Argovia, Basilea-Champagna, Basilea-Citad e Soloturn hai l'emprima emna da schaner nagins cas da grippa. En il chantun Turitg, Svizra Orientala ed en il Nordost da la Svizra datti be cas sporadics da grippa.

RR novitads 16:00