Siglir tar il cuntegn

Header

cuntegn

En tuttas partiziuns SRF stritga 145 plazzas da lavur

Enfin la fin dal 2023 reducescha SRF 145 plazzas. 75 da quellas sur tuttas partiziuns. D'impurtanza per la dimensiun per partiziun sajan trais criteris: La grondezza da la partiziun, la structura sco er il curs per la strategia «SRF 2024».

purtret dals bajetgs da SRF a Turitg.
Legenda: Keystone

Las 75 plazzas duain vegnir reducidas en trais fasas sur il desister da prestaziuns e programs. Gia quest mais duai dar las emprimas relaschadas, scriva SRF. Il december na duai dar naginas relaschadas. Quantas persunas che vegnan relaschadas en tut, saja anc avert. Finamira è da reducir tantas plazzas sco pussaivel cun la fluctuaziun natirala e cun pensiunaments anticipads.

Oriund avessan las plazzas duì vegnir reducidas gia fin la fin da quest onn. La stad ha la direcziun dentant decidì da reparter la reducziun fin la fin dal 2023. Uschia possian ins reducir il dumber da persunas che stoppian vegnir relaschadas.

Reducziun en la producziun

Las ulteriuras 70 plazzas duain vegnir reducidas entras adattaziuns en la purschida ed entras quai ch'il standard da producziun vegnia sminuì, scriva SRF. Questa reducziun capitia surtut en la producziun e per part er en las ulteriuras partiziuns.

Enfin uss ha SRF gia reducì 88 plazzas e stuì relaschar 27 persunas per realisar quai.

RTR novitads 17:00

Artitgels legids il pli savens