Enavos cun 800 ovs – Migros avertescha da salmonellas

En la Svizra dal vest cloma la Migros enavos ovs gia vendids. Tar in da ses furniturs eran vegnidas chattadas salmonellas. Quai ha communitgà l’agentura da novitads svizra SDA.

Ov cun bul. Bild in Lightbox öffnen.

Legenda da maletgs: Ils ovs contaminads pon vegnir identifitgada tras il bul 1-CH-231. Keystone

Ils ovs, che pudessan esser contaminads, èn vegnids vendids en filialas da la cooperativa Aare ed en la Svizra dal Vest. Els na duessian betg vegnir mangiads, scriva la SDA. Il manaschi, che ha producì ils ovs contaminads, è vegnì serrà.

Entant ha precisà la Migros ch'i sa tractia da radund 800 ovs brins che pudessan cuntegnair salmonellas. Ils ovs pertutgads hajan il code 1-CH-231 ha fatg a savair la Migros. Els possian esser en stgatlas da differentas grondezzas cun ovs da differentas furmas da producziun ed avair differentas grondezzas. Sch’ils ovs vegnian purtads enavos en la filiala, paja ella enavos il pretsch da cumpra, fa a savair la Migros en ina communicaziun.

Tgi che survegn mal il venter, passar tras u mal il chau suenter avair mangià ovs, duai ir tar in medi, agiunscha l’agentura da novitads.

RR novitads 06:00