La finamira oriunda era da meglierar l'effizienza d'energia fin il 2020 per 25%. Quella saja uss bain gia surpassada, ma senza stentas supplementaras na saja betg garantì che questa valur vegnia era cuntanschida u schizunt meglierada quest onn.
Protecziun dal clima
Da las mesiras communablas profiteschia er la protecziun dal clima. Ils acturs hajan per exempel midà en blers cas da stgaudaments cun combusibels fossils sin stgaudaments cun energia regenerabla. Plinavant viageschan otg da 10 collavuraturs en il tren empè d'aviun sch'i han dad ir sur cunfins. Quai sche la destinaziun è cuntanschibla da Basilea, Turitg u Genevra entaifer da 5 uras.
RR novitads 12:00