Autos novs na duain bainprest betg pli vegnir producids cun motors termics. Quai han declarà plirs stadis, fabricants d'autos ed investurs a l'ur da la conferenza dal clima. La Svizra n'era dentant betg da la partida. La prioritad da quella saja mumentan d'investar en infrastructura. Quai ha ditg la Cussegliera federala Simonetta Sommaruga.
Midadas sin vias svizras hai gia dà: l'october era mintga tschintgavel auto nov in auto electric u in auto ibrid.