Siglir tar il cuntegn

Header

cuntegn

Energia President da l'Elcom quinta cun pli auts pretschs 2024

Er sch'ils pretschs d'energia crodan en il mument, ston ins quintar il 2024 ch'els creschan aunc ina giada. Quai di il president da la cumissiun d'electricitad Werner Luginbühl.

Decisiv è il pretsch d'energia en l'Europa, di Luginbühl durant il congress naziunal d'electricitad. E quel dependa dal pretsch da gas. Ils auts pretschs en Svizra sajan chaschunà da quai, e betg d'ina tema d'ina mancanza d'energia.

Luginbühl metta paisa sin che producents ed uffizis infurmeschan endretg la populaziun. L'Elcom saja per exempel betg responsabla per ils tarifs, ella possia sil pli intercurir sche producents avessan autas marschas.

Enviern surprenda fin uss positivamain

La situaziun quai enviern saja sa schluccada. I n'è betg uschè fraid sco usità, ed ils pajais europeics han pudì cumpensar la mancanza da gas russ detg bain. Plinavant porschan ovras atomaras da la Frantscha pli bler electricitad che spetgà. La situaziun possia dentant sa midar sveltamain puspè.

Durant la radunanza annuala da la branscha èn l'Uniun da producents d'electricitad, l'Electrosuisse e represchentants da politica, industria e medias preschents.

RTR novitads 12:00

Artitgels legids il pli savens

Scrollar a sanestra Scrollar a dretga