Il svilup d'energias regenerablas en Svizra na duai betg pli restar fitgà ditg pervia da lungas proceduras da recurs e da dretgira. La ministra da l'ambient Simonetta Sommaruga planisescha d'accelerar la lubientscha per gronds projects d'energia idraulica e forza dal vent, quai ha ses departament confermà envers la «NZZ am Sonntag».
Oz ston tals projects passar plirs stgalims nua ch'adversaris pon però mintga giada far recurs. Quai retardeschia e fetschia vegnir pli char ils projects. La Confederaziun stoppia perquai surpigliar ina rolla pli activa. Tar projects impurtants duai be pli duvrar ina procedura. Tar la branscha d'energia sco er tar ils protecturs da l'ambient chattan quests plans accoglientscha.
audio
Per tadlar curt e cumpact
ord RTR Audio dals 10.10.2021.
laschar ir. Durada: 1 minuta 7 Secundas.