Siglir tar il cuntegn

Header

cuntegn

Energia regenerabla Svizzers e Svizras pronts da pajar dapli

La populaziun svizra è pronta da dar or dapli daners per augmentar la producziun d'energia solara: Ina maioritad beneventa ina taxa da rait pli auta per ch'i vegnia fatg vinavant cun la midada sin energia regenerabla. Quai mussa in studi per incumbensa da la Fundaziun svizra per energia.

Tenor quel èn 79% da las persunas dumandadas persuenter u plitost persuenter da pajar dapli per la taxa annuala che vegn incassada per promover energias regenerablas. Il mument è quella tar 40 francs. Il studi mussa dentant er che 93% da las persunas dumandadas van d'accord cun dar garanzias per segirar ch'indrizs solars privats na daventian betg ina fatschenta da perdita.

Plinavant fissan la mesadad da quels che possedan in'atgna proprietad pronts da metter sin tetg in indriz solar sch'els na stuessan betg pajar suren. Tenor la fundaziun d'energia mussan quels resultats che la populaziun n'è betg cuntenta cun il tempo cun il qual i vegn il mument promovì l'energia solara. La prontadad da pajar per la midada da l'energia saja auta. La retschertga è vegnida fatga cun passa 1'000 persunas e quai tranter il mars e l'avrigl.

audio
Per tadlar curt e cumpact
aus RTR Audio vom 06.05.2022.
abspielen. Laufzeit 1 minuta 17 Sekunden.

RTR novitads 06:00

Artitgels legids il pli savens

Scrollar a sanestra Scrollar a dretga