Trais quarts da l'electricitad che Svizras e Svizzers han duvrà l'onn passà è vegnida d'energia regenerabla. Vitiers vegnan 20% electricitad dad ovras atomaras, sco l'Uffizi federal d'energia ha communitgà.
L'energia nucleara è vegnida producida quasi cumplainamain en Svizra. Dus terzs da l'electricitad è vegnida dad ovras grondas. L'energia d'ovras idraulicas è vegnida per 76% or da la Svizra.
Cumpareglià cun l'onn avant, hai il 2020 puspè dà dapli electricitad ord energias regenerablas sco sulegl, vent, biogas ed ovras idraulicas pitschnas. Questa cumpart è creschida dad 8,4% sin 10,3%. La cumpart d'energia ord carburants fossils è sa sbassà da 2% sin 1,8%.