Siglir tar il cuntegn

Header

cuntegn

Energias regenerablas Parlament federal vul sustegnair energias regenerablas

Il Parlament federal prolunghescha la promoziun d'energias regenerablas per ulteriurs otg onns. La schliaziun actuala per sustegnair ovras idraulicas pitschnas, ovras da vent, da geotermia e da biogas scada la fin da l'auter onn. Suenter il Cussegl naziunal ha er il Cussegl dals chantuns approvà la proposta.

La proposta dal cusseglier naziunal Bastien Girod (Verds/ZH), porta ina schliaziun transitorica ed è limitada fin il 2030. Pertge talas energias regenerablas èn fin uss sur tut vegnidas sustegnidas entras il KEV, la bunificaziun obligatorica entras furniturs. La KEV va a fin il 2022. Cun la proposta duai vegnir evità ch'i dat ina largia tar ils instruments per promover.

Intgins detagls n'èn dentant anc betg reglads dal tut. Perquai va la fatschenta enavos en il Cussegl naziunal.

audio
Per tadlar: las novitads da las 06:00
ord RTR Audio dals 14.09.2021.
laschar ir. Durada: 4 minutas 52 Secundas.

RTR novitads 06:00

Artitgels legids il pli savens