Fin l'onn 2035 duai sulet anc forza electrica senza CO2 circular tras las lingias en Svizra. A Brüssel ha il minister d'energia Albert Rösti deliberà ina decleraziun ensemen cun sis auters pajais europeics.
A vista media vul quai dir, ch'i vegn puspè producì dapli energia cun ovras atomaras, di il cusseglier federal svizzer. Che la Svizra ha decidì da betg pli nizzegiar energia atomara, saja dentant da respectar. Las ovras existentas duain dentant restar enfin 2045, e betg sco enfin uss mo enfin 2035.
La Svizra procura gia uss mo cun 2% da sia producziun d'energia per emissiuns da CO2. Ch'er ils ulteriurs sis pajais, Luxemburg, Belgia, Ollanda, Frantscha, Germania ed Austria veglian cuntanscher quai, saja in avantatg per la Svizra. Da vulair bandunar la producziun d'electricitad fossila portia mo insatge sch'era la forza electrica importada vegnia producì senza emissiuns, ha Rösti ditg.
Ina part substanziala da l'electricitad duvrada en Svizra vegn numnadamain da l'exteriur.
