Siglir tar il cuntegn

Header

video
Dus morts suenter lavinas
Or da Tagesschau dals 16.01.2021.
laschar ir
cuntegn

Engelberg OW e Stoos SZ Dus morts en lavinas

Pervi da lavinas ad Engelberg (OW) ed al Stoos (SZ) èn mortas oz duas persunas dasper las pistas marcadas.

Ad Engelberg è la lavina ida a val curt avant las 11:00 uras en il territori Laub, survart l'alp da Gerschni. Uschia ha communitgà la polizia chantunala da la Sursilvania. Tenor observaziuns sajan almain duas persunas vegnidas en la lavina. Cura che la lavina è ida a val eran anc ulteriuras gruppas da persunas ordaifer las pistas segiradas. Trais persunas hajan ins pudì localisar e salvar sveltamain. Ina da las trais persunas sepulidas n'era betg sa fatg mal. Duas persunas ha la Rega sgulà en l'ospital. Ina da questas persunas è morta en l'ospital en consequenza da sias grevas blessuras.

Freerider sepulì al Stoos

Al Stoos, en il territori stipp da Rot Turm ed ordaifer las pistas marcadas è mort in freerider da 49 onns dal chantun Zug. La lavina ch'era 150 fin 200 meters lada ha sepulì l'um curt avant las 10:00, malgrà che lez ha duvrà in airbag da lavinas. Persunas en la vischinanza che han observà la lavina, han pudì salvar l'um ord la naiv. Er quai um è mort pli tard en l'ospital, uschia la polizia chantunala da Sviz.

Quest enviern èn mortas en Svizra gia 10 persunas en u pervi da lavinas.

RTR novitads 17:00

Artitgels legids il pli savens

Scrollar a sanestra Scrollar a dretga