La fundaziun per la protecziun da consuments FRC ha controllà ils pretschs da 350 acziuns. Quai tar ils detaglists Fust, M-Electronic, Interdiscount e Conforama. La fundaziun crititgescha ch'il pretsch da basa da tschertas acziuns na saja betg stà scrit or. Vinavant saja la durada da las acziuns stada massivamain memia lunga. Tar autras acziuns saja il pretsch stà fallà. Trais dals detaglists èn vegnids denunziads.
Tar il detaglist Conforama sajan las indicaziuns stadas uschè engianusas, che la fundaziun ha purtà plant. Quai pervi da concurrenza illoiala. Las indicaziuns engianusas da Conforama sajan capitadas en tut la Svizra.
RR novitads 08:00