Ins spetgia ch'il cor da la politica svizra saja segir da laders. Sco il «Blick» scriva n'è quai betg il cas. Glindesdi saira cura che Semadeni leva sa metter sin via a chasa, era ses mantè d'enviern sparì.
Ir a chasa mo en in blazer, è sta fraid.
La cussegliera naziunala speria tuttina ch'il mantè na saja betg vegnì engulà, mabain ch'enzatgi haja sbaglià mantè, uschia Semadeni envers il «Blick».
Um trametta pachet a faussa adressa
Cumprar tut a la bahuta in nov mantè na saja betg vegnì en dumonda per Semadeni. Perquai haja ses um tramess ina giacca a Berna – disfortunadamain a la faussa adressa.
Agid haja Semadeni survegnì da collega Alexander Tschäppät, che abiteschia datiers da la Chasa Federala. Il mantè da Tschäppät saja in zic grond per Semadeni, dentant saja quest mantè chauds. Uschia n'ha la cussegliera naziunala betg schelà durant la festa per il nov president dal Cussegl naziunal Dominique de Buman.