Siglir tar il cuntegn

Header

Navigaziun

cuntegn

Enquista interna La PLD duai vegnir pli verda

Var 78% dals commembers da la partida liberaldemocratica svizra vulan, che la partida s'engascha dapli per l'ambient e per la protecziun dal clima. Quai mussa in'enquista che l'institut gfs da Berna ha fatg per incumbensa da la PLD.

20% eran da l'avis da restar tar la strategia actuala. En tut èn vegnids interrogads 14’200 commembers da partida sco simpatisants da la PLD.

Concret vul la maioritad dals commembers, che la PLD s'engascha per cuntanscher las miras da la cunvegna da clima a Paris. Quella pretenda, ch'ils pajais reduceschan lur emissiuns da CO₂ fin 2030 per la mesadad. Vinavant è la maioritad da l'avis, da sortir da l'energia fossila fin l'onn 2050 e da introducir ina taxa da CO₂ sin sgols cun l'aviun.

La suprastanza da la PLD n'ha anc betg prendì posiziun davart quests resultads. Els correspundan dentant a las ideas da la presidenta da partida Petra Gössi. Ella ha annunzià en favrer en in'intervista da vulair adattar la strategia da la partida.

RR novitads 11:00