Siglir tar il cuntegn

Header

cuntegn

Svizra Ensemen cunter violenza cunter dunnas e violenza a chasa

Passa 270 persunas dal fatg han discutà durant ina conferenza naziunala, co cumbatter la violenza cunter dunnas e la violenza a chasa. La Confederaziun, ils chantuns e la societad civila vulan uschia chattar las mesiras necessarias per realisar l'uschènumnada «Convenziun dad Istanbul».

Violenza cunter dunnas e violenza a chasa vul dir en Svizra: Mintga di vegn l'integritad sexuala d'indesch persunas violada, da quai èn nov dunnas e buobas. E radund mintga duas emnas mora en Svizra ina persuna pervi da violenza a chasa.

audio
Mezdi: La Convenziun dad Istanbul – in discurs
ord Actualitad dals 13.11.2018.
laschar ir. Durada: 3 minutas 9 Secundas.

Per evitar e cumbatter la violenza cunter dunnas e la violenza a chasa ha il Cussegl da l'Europa fatg ina convenziun. E dapi il 1. d'avrigl 2018 vala quella er en Svizra. La conferenza naziunala dal mardi ha gì sco finamira da rinforzar las stentas gia fatgas enfin uss. Ed ella vul cuntanscher ina meglra coordinaziun tranter las autoritads ch'èn confruntadas cun las consequenzas da la violenza cunter dunnas e da la violenza a chasa.

RR actualitad 12:00

Artitgels legids il pli savens