Siglir tar il cuntegn

Header

cuntegn

Entradas d'urgenza en ospitals Stads da chalira èn in privel per la sanadad

Tar chaliras sto dapli glieud ir en l'ospital. Quai mussa in studi da l'Institut svizzer da las tropas e la sanadad publica TPH davart la stad da chalira 2015. Ils scienziads han intercurì la relaziun tranter undas da chalira e las entradas d'urgenza en ospitals.

Sco l'institut rapporta, han las chaliras dal 2015 manà a 2'700 entradas d'urgenza supplementaras en ospitals – quai cumpareglià cun ils 10 onns avant. Las raschuns principalas per las entradas supplementaras sajan stadas malsognas d'infecziun sco la grippa, malcostas/puntga ubain malsognas dal sistem urogenital e da la digestiun. Las temperaturas autas favuriseschan numnadamain la derasaziun da virus e bacterias.

Il resultat è tuttina surprendent per ils scienziads. Tar mortoris pervi da la chalira giogan numnadamain malsognas da la circulaziun dal cor e da la via respiratorica ina rolla impurtanta. Durant la stad 2015 èn mortas 800 persunas pervi da la chalira.

Co e cum: Mitus davart la chalira

Cun la chalira vegnan era ils experts enturn mintga chantunada cun tips per far pli empernaivel las temperaturas. Tips che n'èn magari betg corrects:

audio
Mitus encunter la chalira
ord Co e cum dals 26.06.2019. Maletg: Keystone
laschar ir. Durada: 2 minutas 9 Secundas.

RR novitads 06:00

Artitgels legids il pli savens