Siglir tar il cuntegn

Header

cuntegn

Entras insecticids Prest 100 pievels d'avieuls tissentads il 2023

Duas giadas hai dà grevas tissientadas d'avieuls tras products da protecziun da plantas en Svizra l'onn passà.

Cun duvrar il med Dimethoat – ch’è dapi plirs onns scumandà – sajan 81 pievels d'avieuls vegnids tissientads, communitgescha il servetsch per sanadad d’avieuls, apiservice. Bain sajan blers avieuls crappads aifer curt temp. Ils pievels sajan silsuenter dentant sa revegnids.

La segunda tissientada hai dà suenter ina lubientscha d’urgenza per sprizzar spinosad sin ina plantascha da nitscholers. Sin plantas cun rugada da mel – ina funtauna da nutriment impurtanta per avieuls – èsi dentant scumandà da duvrar spinosad. Quest scumond saja deplorablamain vegnì survesì. La segunda tissientada ha tutgà 12 pievels d'avieuls, quatter d'els n’han betg survivì l'enviern.

Grazia a las cundiziuns vertentas per proteger ils avieuls dettia quai ils ultims onns mo pli tissientadas, sch'i vegnia duvrà meds per proteger las plantas scumandads u sche las prescripziuns d'applicaziun na vegnian betg resguardadas, ha l'apiservice scrit vinavant.

En tut ha il servetsch per la sanadad dals avieuls survegnì il 2023 15 annunzias da tissientadas supponidas. Da questas èn 10 vegnidas analisadas en il labor ed a la fin èn duas fermas tissientadas vegnidas confermadas tras ina communicaziun da la protecziun da las plantas.

Or da l'archiv:

video
A la tschertga da l’avieul nair - Auf der Suche nach der Dunklen Biene
Or da Cuntrasts dals 25.06.2023.
laschar ir. Durada: 25 minutas 45 Secundas.

RTR novitads 10:00

Artitgels legids il pli savens