Siglir tar il cuntegn

Header

cuntegn

Entschatta settember Hotline da corona vegn messa ord funcziun

Il dumber da telefons ed e-mails saja sa reducì a tala moda, ch’els possian puspè midar en il modus normal, ha communitgà il Secretariat da stadi per l’economia SECO. La lingia da consultaziun era vegnida lantschada il mars 2020, quai per incumbensa dal minister d'economia Guy Parmelin. Via e-mail e telefon pudeva la populaziun e las interpresas dumandar scleriment davart lur dumondas en connex cun ils sustegns finanzials da la Confederaziun pervia da la pandemia da corona.

A partir da mardi las 17:00 ord funcziun

Durant ils davos bunamain in onn e mez hajan las collavuraturas ed ils collavuraturs dal SECO respundì passa 45'000 telefons ed 28'500 e-mails. Da quai da 220 persunas sajan vegnidas scoladas per pudair respunder las dumondas, scriva il SECO. Il numer da telefon e l'adressa e-mail vegnan deactivadas damaun suentermezdi a las tschintg. En cas d'urgenza pudess la lingia da consultaziun dentant vegnir reactivada en curt temp, sincerescha il SECO.

audio
Per tadlar - curt e cumpact
ord RTR Audio dals 30.08.2021.
laschar ir. Durada: 1 minuta 15 Secundas.

RTR novitads 12:00

Artitgels legids il pli savens