Siglir tar il cuntegn

Header

cuntegn

Svizra Enviern 2015/16: curt e chaud

Sitgira e temperaturas autas il december, lura naiv intensiva, plievgia e stemprà. L'enviern 2015/15 è stà variabel ed il segund chaud dapi l'onn 1864. I ha dà pli paucs accidents da lavina mortals ch'en la media dals ultims onns.

L'enviern passà ha la naiv laschà spetgar betg mo en la Bassa mabain er en ils culms. Intgins lieus sco per exempel Bivio, Tavau u St. Antönien èn schizunt per l'emprima giada sa mussads en il vestgì verd da Bumaun.

En il Tessin hai dà sur 1'500 meters uschè pauca naiv sco anc mai la fin da l'onn. Tenor Meteo Svizra eran las temperaturas en muntogna il december per 4 fin 6° sur la media. Dapi il 1864, cura ch'ins ha cumenzà cun las mesiraziuns, è quai stà il segund chaud enviern (november fin avrigl). Sulet l'enviern 2006/07 èsi stà anc pli chaud, quai communitgescha l'Institut da naiv e lavinas SLF a Tavau en sia bilantscha.

Damain morts en lavinas

Fin ils 30 d'avrigl 2016 èn 18 persunas mortas en lavinas. Quai èn pli paucas che auters onns. Tar las persunas disgraziadas sa tracti da 13 skiunzs da turas e 5 skiunzs da variantas. Tenor la media da plirs onns moran mintg'onn 23 persunas en lavinas.

RR novitads 10:00

Artitgels legids il pli savens