Durant l'enviern passà hai dà extraordinari blera naiv en il nord da las alps. Quai rapporta l'institut per naiv e lavinas a Tavau. Durant l'emprima mesadad dal schaner hai dà tanta naiv ch'il privel da lavinas è stà a curta vista sin il stgalim 5. Pia in privel fitg grond sin il stgalim il pli aut. Fin la fin d'avrigl ha l'institut survegnì annunzias da 299 lavinas.
Enfin la fin avrigl han 19 persunas pers lur vitas en lavinas. La media dals ultims onns è tar 21. Cun ina excepziun èn tut las unfrendas stadas sportists d'enviern. A Crans-Montana en il Vallais è in patrugliader da pistas morts durant la lavur.
L'Institut federal per la perscrutaziun da naiv e lavinas avertescha er d'esser pertschert dal privel durant la primavaira e la stad.
RR novitads 10:00
