Durant l'enviern che va uss a fin han dapliras persunas pers lur vita en lavinas ch'en la media da blers onns avant. L'Institut federal per la perscrutaziun da naiv e lavinas ha enfin uss annunzià 27 mortoris ed ina persuna sparida. En la media da 20 onns hajan mintgamai 18 persunas pers lur vita en lavinas, ha l'institut da Tavau annunzià la mesemna en ina bilantscha provisorica.
Er il dumber da persunas ch'èn vegnidas tschiffadas da persunas è s'augmentà. Enfin uss èn 296 persunas vegnidas quest enviern en lavinas. En la media dals ultims 20 onns eran quai durant in enviern mintgamai 177 persunas.
Blera naiv quest enviern
Durant l'enviern 20/21 hai cunzunt dà sut il cunfin da 2000 meters sur mar dapli naiv che auters onns. En blers lieus è la quantitad da naiv nova stada sur la media. Cunzunt en il Puschlav ed en parts da la Val dal Rain Grischuna hai dà surproporziunalmain blera naiv.
