Siglir tar il cuntegn

Svizra Er Admeira e Ringier termineschan collavuraziun cun Publicitas

Suenter la Tamedia termineschan uss er l'Admeira e la chasa da medias Ringier lur collavuraziun cun Publicitas, la commerzialisadra da reclama, quai per immediat. La raschun saja la morala da pajar betg cuntentaivla da la Publicitas.

Purtret dal logo d'Admeira.
Legenda: L'Admeira e Ringier termineschan era la collavuraziun cun la Publicitas. Keystone

La raschun per terminar la collavuraziun saja la morala da pajar betg cuntentaivla da la Publicitas e las numerusas pretensiuns da quints averts envers la firma, communitgescha Ringier. Perquai sisteschan l'Admeira SA, Ringier SA e la Ringier Axel Springer Svira las relaziuns cun Publicitas.

Ord vista d'interprendider n'èsi betg pli stà purtabel da cuntinuar la collavuraziun cun Publicitas che va sur l'Admeira SA. Nus deplorain ch'ils svilups dals ultims mais sforzan nus tar quest pass.
Autur: Alexander TheobaldCOO Tingier Svizra

Tut ils clients che hajan reservà lur reclamas sur Publicitas vegnian infurmads directamain da l'Admeira e dals proxims pass. Plinavant supplitgeschan era els, sco gia Tamedia, da pajar quints directamain ad els e betg sur la Publicitas.

La Publicitas ha da cumbatter cun la reducziun da reclama en las gasettas e scriva gia dapi in temp cifras cotschnas.

RR novitads 12:00