Malgrà la pauca naiv èn blers territoris da skis svizzers pli gronds cuntents cun la stagiun d’enfin qua. Quai mussa in'enquista da territoris da skis en il Grischun, il chantuns Berna, Vad, Valais e la Svizra centrala da l’agentura da novitads Keystone-SDA
Records a San Murezzan e Tavau/Claustra
Ina bilantscha provisorica positiva fa per exempel San Murezzan. Il territori da skis engiadinais ha registrà in record tar las pernottaziuns dal december. A Tavau/Claustra hai dà 18% dapli pernottaziuns en ils emprims trais mais da la stagiun d'enviern, quai saja puspè sin il nivel dal temp avant corona, scriva il post da medias.
Cuntents èn era la regiun da la Jungfrau, Engelberg ed Andermatt. Per ils pitschens territoris da skis percunter – che na pon betg far naiv artifiziala – è l’enviern stà difficil. Intgins dad els han pudì avrir las portas pli tard u gia stuì serrar pli baud las pistas.
