Siglir tar il cuntegn
Inhalt

Svizra Er decider e na betg far lavur gratuita

La lavur voluntaria en Svizra sa mida: Ils novs voluntaris s'engaschan a curta vista e per projects e na surpiglian betg pli uffizis per pli lung temp.

Voluntars che gidan a persunas en sutgas da rodas en il tren.
Legenda: ils voluntaris novs s'engaschan dapli a curta vista per projects che quai ch'els surpiglian uffizis. Keystone

L’engaschi per la lavur voluntaria classica va enavos, quai tenor in studi da l’institut Gottlieb Duttweiler. Perquai vegnia adina pli grev da chattar voluntaris, uschia il studi. Ad uniuns da musica manchian actuars, a vischnancas presidents ed als pumpiers gidanters. Quai pericliteschia betg be las uniuns e las instituziuns, mabain er il spiert da cuminanza.

Da l’autra vart dettia dapli engaschaments a curta vista ed orientà ad in project. Ils novs voluntaris veglian gidar da reflectar ed er sa participar a la decisiun. I giaja pli e pli per pussaivladads da realisar insatge enstagl da obligaziuns.

RR novitads 10:00