La proposta da la cumissiun da l’Uniun europeica da scumandar armas mez-automaticas per il diever privat na vegnia betg a chattar ina maioritad tar ils ministers dal intern da l’UE ha ditg Sommaruga suenter in inscunter a Brüssel. Ina clera maioritad dals stadis da l’UE saja cunter in tal scumond.
La cumissiun da l’UE aveva avant da curt proponi da engrevgiar la lescha d’armas quai surtut en vista al cumbat cunter il terrorissem. Sco commember dal territori da Schengen stuess la Svizra surpigliar questa lescha.
RR novitads 22:00