Siglir tar il cuntegn

Header

cuntegn

Svizra Er il Cussegl dals chantuns di gea al parc d’innovaziun

La Confederaziun duai sustegnair il parc d'innovaziun naziunal. Suenter il Cussegl naziunal è er il Cussegl dals chantuns s’exprimì persuenter. Quai che pertutga ils sustegn da quel vul la chombra pitschna però betg ir uschè lunsch sco la chombra gronda.

Il Cussegl dals chantuns ha concedì in credit da 350 milliuns francs. El è plinavant persuenter che la Confederaziun mettia a disposiziun agen terren per il project a pretschs ch'èn confurm al martgà.

Parc duai vegnir repartì sin 5 lieus

Per discussiuns han però sutut procurà ils lieus che vegnan en dumonda per il parc d'innovaziun. Il mument duai il parc che vegn organisà sco rait vegnir repartì sin 5 lieus. Dus sa chattan datiers da las duas scolas politecnicas federalas a Turitg e Losanna, ils auters èn previs en il chantun Argovia, en la regiun da la Svizra dal Nordvest ed a Bienna.

La chombra pitschna na vul però betg ch’il tschains dal dretg da construcziun va a la fundaziun "Swiss Innovation Park". Perquai va la fatschenta va enavos al Cussegl naziunal.

RR novitads 16:00

Artitgels legids il pli savens