Il parlament chantunal da Turitg ha approvà ina participaziun al concordat interchantunal. Tranter auter vul questa cunvegna che mintga chantun paja per mintga medi d’assistenza 15’000 francs als ospitals. La cunvegna vegn dentant pir realisada cura che 18 chantuns vulan far part al concordat. Fin uss han 5 chantuns ratifitgà la cunvegna, dasper il chantun Grischun er ils chantuns Basilea citad, Son Gagl, Turgovia ed il chantun Vad. Cun il chantun Turitg vulan uss 6 chantuns far part al concordat.
RR novitads 12:00