Siglir tar il cuntegn

Svizra Era pèrs omosexuals duain pudair maridar en Svizra

Da quest avis è la cumissiun dal Cussegl naziunal ed ha uschia splanà la via per realisar l'iniziativa dals verd-liberals «Lètg per tuts».

Figurinas da pèrs omosexuals sin ina tuorta da nozzas.
Legenda: Pass per pass duai la lètg per tuts esser pussibla en Svizra. Keystone

La lètg per pèrins omosexuals na duess però betg esser pussibla en in pass, ella duai vegnida regulada en pliras etappas. Quai han communitgà ils Servetschs dal parlament, sa referind sin la cumissiun dal Cussegl naziunal. Uschiglio pudessan dumondas delicatas en quest connex - sco per exempel l'access a la medischina da reproducziun – bloccar l’entir project.

L’Administraziun federala duess uss elavurar in'emprima proposta da refurma enfin il favrer. Questa proposta duess reglar aspects centrals da la lètg per tuts, tranter auter l’adopziun ed il vischinadi.

RR novitads 06:00