Siglir tar il cuntegn

Svizra Era PLD cun cler «na» l'iniziativa da linguas estras en scola

La PLD grischuna ha decidì in cler na a l'iniziativa da linguas estras en scola. Sco quai che la PLD communitgescha saja la discussiun stada intensiva e cuntradictorica.

Il cusseglier da stadi Martin Schmid, il deputà en il Cussegl grond Christian Kasper ed in dals iniziants per mo 1 lingua estra en scola primara, il scolast Jöri Luzi.
Legenda: Ils referents: Il cusseglier da stadi Martin Schmid, il deputà en il Cussegl grond Christian Kasper ed in dals iniziants per mo 1 lingua estra en scola primara, il scolast Jöri Luzi. mad / PLD GR

Suenter referats da la vart dals iniziants e dals adversaris da l'iniziativa da linguas estras en scola haja quai dà discussiun cuntraversa, communitgescha la Partida liberladmocratica (PLD) dal Grischun. Surtut ils delegads da las vals talianas dal Grischun sajan s'exprimids cunter. Il resultat tar la votaziun davart la parola saja stà in cler «na».

2 x «na» ed 1 x «gea» als projects federals

Tar ils projects federals han ils Liberaldemocrats decidì la parola da na a las duas iniziativas – l'uschenumnada «iniziativa da fair-food» e l'iniziativa per la suveranitad alimentara. Il conclus federal per vias da velo – ch'è la cuntraproposta a l'iniziativa da velo – propona la PLD in gea cun decisiun dal comité.

Las votaziuns han lieu ils 23 da settember 2018.

RR novitads 10:00