Siglir tar il cuntegn

Header

Navigaziun

cuntegn

Svizra Ermotti quinta cun recurs da plirs onns

sergio ermotti gesticulescha
Legenda: Il CEO da la UBS Sergio Ermotti ad ina conferenza da medias a Turitg. Keystone

Il schef da l'UBS Sergio Ermotti quinta cun ina procedura da recurs sur plirs onns. La banca ha annunzià da sa dustar cunter la sentenzia d'ina dretgira franzosa pervi d'omissiun fiscala e lavar daners. Uschia ha Ermotti infurmà il persunal en in messadi intern che l'UBS ha confermà a l'agentura da novitads AWP. La dretgira d'appellaziun vegnia a tractar da nov il cas e quest process vegnia a durar onns ed onns, uschia Ermotti en il messadi al persunal.

Il caracter superfizial da la sentenzia è remarcabel e gnanc emprova da reprender ils arguments che nus avain preschentà las 5 emnas dal process.
Autur: Sergio ErmottiCEO UBS

A Paris aveva il tribunal sentenzià la banca UBS culpanta d'omissiun fiscala e lavar daners – e quai sistematicamain. Uschia avess la banca da pajar en total 4,5 milliardas euros – 3,7 milliardas euros multa e 0,8 milliardas euros indemnisaziun al stadi franzos. Quai saja la pli auta multa che la giustia franzosa haja insumma dà ina giada per omissiun fiscala, scriva l'agentura da novitads SDA. La UBS sezza ha adina renvià las renfatschas: La banca saja adina s'engaschada ed haja agì encunter praticas criminalas, fa valair Sergio Ermotti.

RR novitads 07:00