Siglir tar il cuntegn
Inhalt

Svizra Eroport da Genevra bloccà

Pervi da las navaglias na pon nagins aviuns partir u sa tschentar. Il disturbi cura probabel anc enfin gievgia da mezdi.

Eroport cuvert cun naiv.
Legenda: La blera naiv interrumpa il traffic aviatic a Genevra. Keystone

A l’eroport da Genevra ha il traffic aviatic stuì vegnir interrut ad interim.
I dettia memia blera naiv sin la pistas da partenza e d'atterrament. Quai ha ina pledadra ditg envers l’agentura da novitads SDA.
L’eroport cusseglia als passagiers da s’infurmar gia a chasa schebain e cura lur sgol partia. Sco quai ch'il gestiunari da la plazza aviatica infurmescha via Twitter, possian aviuns puspè partir davent da las 11:00. Las emprimas atterradas èn previsas per las 12:00. I saja dentant vinavant da quintar cun impediments e retards.

Actualmain sa raduna a Genevra il Cussegl dals dretgs umans da l'ONU cun plirs millis participants. En consequenza datti bler traffic durant quests dis a l'eroport. Il schaner 2018ha l'eroport dumbrà radund 1,5 milliuns passagiers.

Nagins disturbis a Turitg

A l’eroport da Turitg n'hai dà nagins incaps. Sulettamain ils emprims sgols han gì in pitschen retard.

RR novitads 08:00