L’eroport da Turitg vegn probabel pir puspè a cuntanscher il nivel da passagiers d’avant la crisa da corona l'onn 2025. Bler dependia quant spert ch’il traffic aviatic cun ils Stadis Unids e la China sa revegnia, ha ditg Andreas Schmid, il president da la plazza aviatica a Turitg, envers las gasettas da Tamedia.
L’economia svizra saja colliada fermamain cun omaduas pussanzas mundialas. Schmid na quinta betg ch’ils viadis da fatschenta sa revegnian fitg quest onn. Dentant prognostitgescha el ina tendenza positiva per l'auter onn. Tenor atgnas prognosas duai l’eroport puspè scriver cifras nairas il december.
audio
Per tadlar: Las novitads da las 09:00
ord RTR Audio dals 20.09.2021.
laschar ir. Durada: 2 minutas 49 Secundas.