Siglir tar il cuntegn

Svizra Eroport Genevra: Controllas severas pervia da dunna desperada

Ina dunna che vuleva impedir che ses um sgolia davent ha provocà in alarm a l'eroport da Genevra. Pervi da questa smanatscha ha la polizia rinforzà sias controllas da segirtad a l'eroport. Ella è stada preschenta cun blera glieud.

Suenter la smanatscha da bumba èn blers policists stads en acziun a l’eroport da Genevra.
Legenda: Suenter la smanatscha da bumba èn blers policists stads en acziun a l’eroport da Genevra. Keystone/archiv

Cun in avertiment da bumba anonim a l’eroport da Genevra, ha ina dunna en Frantscha empruvà d’evitar che ses um sgolia davent. La dunna ha telefonà la mesemna saira a la duana svizra a l'eroport da Genevra e ditg ch'i haja en il sectur franzos da l'eroport ina persuna cun ina bumba. Blers policists èn stads en consequenza da la smanatscha en servetsch per far controllas supplementaras. La dunna sto ussa quintar cun ina puniziun penala, ha ditg la procura publica federala.

RR novitads 12:00+