Siglir tar il cuntegn

Svizra Eroport Genevra: Frantscha na furnescha naginas infurmaziuns pli

La plazza aviatica a Genevra ha problems cun la controlla da segirezza da ses emploiads.

Logo eroport.
Legenda: L'eroport Genevra duvrass dapli infurmaziuns da la Frantscha. Keystone

La Frantscha na furnescha numnadamain dapi intginas emnas betg pli las infurmaziuns necessarias a las autoritads da Genevra davart ils candidats per ina plazza. Sco las autoritads da Genevra ha conferma a la gasetta «Tribune da Genève, spetgan ellas sin infurmaziuns davart radund 200 persunas.

La raschun per ils problems n’è betg enconuschenta. Tenor il rapport saja il dumber da dumondas correspundentas dal punct da vista franzos memia grond. La cusseglier federala Simonetta Sommaruga veglia proximamain manar discurs cun las autoritads franzosas en chaussa. Quai han las autoritads federalas confermà.

RR novitads 14:00