In incendi datiers da l’eroport da Genevra ha impedì il traffic aviatic per pliras uras questa saira. I n'haja betg brischà sin la plazza aviatica, mabain sin in plazzal en la vischinanza, ha confermà il gestiunari envers RTS. I sa tractia dal plazzal d’in center federal per requirents d’asil.
Retards ed annullaziuns
Pervi dal ferm fim sajan passa 10 sgols vegnis annullads ed ulteriurs sgols sajan vegnids sviads sin auters eroports. Auters sgols hajan gì grond retard, uschia l'emprima bilantscha dal gestiunari da l'eroport.