Siglir tar il cuntegn

Header

Navigaziun

cuntegn

Eroport Turitg Gia confiscà passa 1'000 kilos drogas

A la plazza aviatica da Turitg han ins confiscà ils emprims sis mais da l'onn current dapli che 1 tonna drogas ha communitgà la polizia chantunala da Turitg. Vitiers ha la polizia arrestà en quest temp diesch dunnas ed otg umens en la vegliadetgna tranter 22 e 67 onns.

Il pli savens han ils investigaders da la duana confiscà «Kath», il med enivrant che vegn importà per gronda part da l'Africa. Sulet dals fegls setgentads che vegnan mastegiads, fimads u elavurads sco te, han ins confiscà dapli che ina tonna, communitgescha la polizia chantunala da Turitg.

Ultra da quai è vegnì confiscà 32 kilos cocain, 11 kilos haschisch, tschintg kilos heroin e 625 sems da chonv.

Las drogas eran zuppadas en la bagascha da viadi, vid il corp u simplamain uschia purtads cun sai.

RR novitads 15:00