Malgrà che la glieud sgola dapli, senta l’eroport da Turitg la pandemia da corona vinavant fermamain. Uschia sajan sguladas il settember var 1,38 milliuns persunas via Turitg, hai num en ina communicaziun. Cumpareglià cun il medem mais da l’onn avant è quai in plus da bunamain 158%. Cumpareglià cun il settember d’avant dus onns, damai avant la pandemia, è quai be la mesadad (47,9%) dals passagiers.
Cumprà vegn tuttina bler
Ils passagiers han dà or a l'eroport 25,50 francs per persuna. Quai è anc in zic dapli che l'avust cun 22,90 francs. Cumpareglià cun il settember 2020 han ils passagiers dentant cumprà bunamain tuttina bler (25,80 francs).
audio
Tadlar las novitads da las 11:00
ord RTR Audio dals 13.10.2021.
laschar ir. Durada: 2 minutas 1 Secunda.